នាពេលបច្ចុប្បន្ននេះ ការធ្វើបទបង្ហាញជា Slide មានការពេញនិយមជាខ្លាំង មិនថាសម្រាប់អ្នកដែលកំពុងសិក្សា និងអ្នកជំនួញនោះទេ។ ការបង្កើត Slide សម្រាប់ការធ្វើបទបង្ហាញ មានច្រើនទម្រង់ ទៅតាមការចង់បានរបស់យើង។ យើងអាចបង្កើត Slide បាន តាមរយៈកម្មវិធីជាច្រើន ដោយមិនថា Offline ឬ Online នោះទេ។
នៅក្នុងសម័យបច្ចេកវិទ្យាដ៏ទំនើបនេះ មនុស្សមួយចំនួន ចូលចិត្តការរៀបចំដែលមានលក្ខណៈប្លែក ហើយស្អាត និងទាន់សម័យ។ ទន្ទឹមនឹងនេះ ការរៀបចំ Slide ក៏ដូចគ្នាផងដែរ យើងត្រូវរកអ្វីដែលថ្មីសម្រាប់​ការបង្ហាញ ដូចនេះ យើងគួរតែប្រើប្រាស់កម្មវិធីមួយដែលមានឈ្មោះថា Canva ដែលជាការប្រើប្រាស់ជាប្រភេទ Online។ សម្រាប់កម្មវិធីនេះ យើងអាចប្រើប្រាស់នៅលើ Website ឬទាញយកមកដំឡើងក្នុងកុំព្យូទ័រក៏បាន។
Canva គឺជាកម្មវិធីមួយ ដែលជួយក្នុងការរចនាកិច្ចការងារបានជាច្រើនទម្រង់។ កម្មវិធីនេះ បានបង្កើតភាពងាយស្រួលដល់អ្នកប្រើប្រាស់ក្នុងការរៀបចំ និងការរចនាការងារផ្សេងៗ។ មួយវិញទៀត យើងអាចធ្វើការចែករំលែករាល់ឯកសារដែលបានបង្កើតទៅកាន់មិត្តភក្ដិជាច្រើនបានថែមទៀតផង។

ជាពិសេស រាល់ឯកសារទាំងនោះ យើងអាចទាញយកជាប្រភេទ File ជាច្រើន ទៅតាមតម្រូវការរបស់យើងនីមួយៗ។ ដូច្នេះ យើងត្រូវសិក្សា និងស្វែងយល់បន្ថែមពីកម្មវិធី Canva នេះ ឱ្យបានច្រើន ដើម្បីជួយសម្រួលដល់កិច្ចការងាររបស់យើង នាពេលបច្ចុប្បន្ននេះ។