Mentor App ជាវេទិកាថ្មីមួយ ដែលទើបនឹងបង្កើតឡើងដោយអ្នកជំនាញព័ត៌មានវិទ្យាកូនខ្មែរ ដោយមានស្ថាបនិក អ្នកឧកញ៉ា​ វេជ្ជបណ្ឌិត គួច ម៉េងលី និងជា Mentor មួយរូប នៅលើ​ MMentor App។ សម្រាប់លោកអ្នកដែលត្រូវការ គំនិត យោបល់ និងការប្រឹក្សាល្អៗសម្រាប់ការសិក្សា ការងារ​ និងជំនាញ អាចជួប និងជជែកជាមួយ Mentor ល្អៗ និងល្បីៗជាច្រើនរូបនៅក្នុង ​​MMentor App នេះ។

លោកអ្នកអាចដោនឡូត MMentor App យកទៅប្រើប្រាស់ ដើម្បីទទួលបានអត្ថប្រយោជន៍ជាច្រើនដូចជា៖ ជួបជជែកជាមួយ Mentor ល្បីៗជាច្រើនរូប ងាយស្រួលប្រើដូចបណ្តាញសង្គមដទៃទៀត ព្រមទាំងអាចចែករំលែកចំណេះដឹងផងដែរ ហើយចំណុចពិសេសមួយទៀតនោះគឺ MMentor App ជាអេប(App)ដែលបង្កើតដោយកូនខ្មែរ និងជាអេបបែប Mentor ដំ​បូងគេនៅកម្ពុជា។ យោងតាម ការសិក្សាស្រាវជ្រាវ បានបង្ហាញថា ការប្រឹក្សាលើការងារ និងជំនាញវិជ្ជាជីវៈ គឺពិតជាសំខាន់សម្រាប់តម្រូវការក្នុងជីវិតរស់នៅរបស់មនុស្សម្នាក់ៗ។ ការសិក្សាបានបង្ហាញ​​បន្ថែមថា សម្រាប់ក្រុមហ៊ុនបរទេសជាង​ ៥០០ក្រុមហ៊ុន ​មាន៧០% ក្នុងចំណោមក្រុមហ៊ុនទាំងនោះ បាន​ផ្តល់ការប្រឹក្សាយោបល់ដល់បុគ្គលិករបស់ខ្លួន។ ហើយ៩៧%នៃអ្នកទទួលបានការប្រឹក្សាទាំងនោះបានឆ្លើយថា ការប្រឹក្សាយោបល់បានជួយជីវិតពួកគេឱ្យទទួលបានគុណភាពជីវិតប្រសើរឡើងក្នុងបំណិនជីវិតប្រចាំថ្ងៃរបស់ពួកគាត់។ អ្នកប្រឹក្សាគឺជាមនុស្សដែលមានគុណភាពជីវិត ជាមនុស្សមានឥរិយាបថថ្លៃថ្នូរ មានទស្សនៈល្អៗដើ​ម្បីជំរុញលើកទឹកចិត្ត ផ្តល់ការប្រឹក្សាដល់អ្នកដែលត្រូវការតាមជំនាញវិជ្ជាជីវៈលើការសិក្សា ការងារ និងជំនាញឯកទេស។ ពួកគាត់ជាមនុស្ស ដែលមានឆន្ទៈខ្ពស់ និងជាមនុស្សដែលចង់បន្សល់ទុកនូវស្នាដៃ កិត្តិយស និងមុខមាត់សម្រាប់អនាគតមនុស្សជំនាន់ក្រោយ។

ទាំងនេះ គឺជាមូលហេតុដែលយើងបង្កើត MMentor App ឡើងមក។​ លោកអ្នកអាចភ្ជាប់ទំនាក់ទំនងជាមួយ Mentor ជាច្រើនទៅលើប្រធានបទខុសៗគ្នា ដែលមានដូចជា បច្ចេកវិទ្យា សុខភាព ការអប់រំ ការថតរូប សង្គម និងប្រធានបទជាច្រើនផ្សេងទៀតទៅតាមវិស័យខុសៗគ្នានៅក្នុងអេប (App) តែមួយ។​ នេះជាសហគមន៍មួយដែលប្រមូលផ្តុំ អ្នកមានសមត្ថភាព អ្នកមានចំណេះ និងជំនាញច្បាស់លាស់ដើម្បីប្រឹក្សា ផ្តល់គំនិតយោបល់ដល់យុវជនជំនាន់ក្រោយ មិនថាសិស្សនិស្សិត អ្នកធ្វើការ និងអ្នកត្រូវការប្រឹក្សាជំនាញផ្សេងៗ។ លោកអ្នកអាចទាញយក និងចុះឈ្មោះ MMentor App ត្រឹម១នាទីប៉ុណ្ណោះ ដើម្បី​ជជែកជាមួយ Mentor ល្បីៗនៅកម្ពុជា ចែករំលែកចំណេះដឹង និងអត្ថប្រយោជន៍ជាច្រើនទៀត  គ្រប់ពេល គ្រប់ទីកន្លែងជាមួយ MMentor App។

សូមជម្រាបជូនថា MMentor ជា App ដែលបងប្អូនអាចជជែកកម្សាន្តជាមួយ Mentor មិត្តភក្តិ អ្នកជំនាញទៅតាមប្រធានបទ និងទៅតាមវិជ្ជាជីវៈ  ដោយសព្វថ្ងៃ MMentor App មានការគាំទ្រជាច្រើនពីសំណាក់សិស្សនិស្សិត អាណាព្យាបាល គ្រូបង្រៀន អ្នកធ្វើការ និងអ្នកជំនាញជាច្រើននាក់។ MMentor App ត្រូវបានបង្កើតឡើង និងប្រកាសការបើកសម្ពោធដាក់ឱ្យប្រើប្រាស់សាកល្បង កាលពីថ្ងៃទី២០ ខែមករា ឆ្នំា២០២៤។ ​សម្រាប់លោកអ្នកដែលចង់ក្លាយជា Mentor សូមមើលវីដេអូនេះ៖ Facebook 

សូមកសាងសហគមន៍ដ៏ល្អមួយតាមរយៈបណ្តាញសង្គម នៅលើ App MMentor ឥឡូវនេះ!

-តាមដានព័ត៌មានថ្មីៗអំពី MMentor App៖ Facebook

-ចុចលីងនេះដើម្បីដោនឡូត MMentor App៖ https://thementorapp.io/