កាលពីពេលថ្មីៗនេះ សិស្សានុសិស្សថ្នាក់ទី១១ "ក" នៃសាលារៀន អន្តរទ្វីប អាមេរិកាំង សាខាចោមចៅ បានចូលរួមយ៉ាងសកម្មក្នុងសកម្មភាពបំណិនជីវិត ដាំគ្រាប់ពោត នៅសួនដំណាំ AIS ដឹកនាំដោយលោកគ្រូឈិត ប៊ុនលី។
សកម្មភាពដ៏មានអត្ថន័យនេះ ជាជំហានមួយក្នុងការលើកកម្ពស់ចំណេះដឹង និងជំនាញជាក់ស្តែង របស់សិស្សអំពីការដាំដំណាំពោត។ លោកគ្រូឈិត ប៊ុនលី គ្រូបន្ទុកថ្នាក់ បានបញ្ជាក់ថា ការជ្រើសរើសប្រធានបទ "ដាំគ្រាប់ពោត" គឺមានគោលបំណងចម្បងក្នុងការបណ្តុះបណ្តាលសិស្សឱ្យយល់ដឹងអំពីអត្ថប្រយោជន៍នៃការដាំដំណាំ ព្រមទាំងបង្រៀនសិស្សអោយដឹងពីជំហាននៃដំណើរការដាំពោតយ៉ាងច្បាស់លាស់។
ក្រោយពីបានចូលរួមសកម្មភាពនោះ សិស្សានុសិស្សទទួលបានបទពិសោធន៍ថ្មីៗ និងចំណេះដឹងអនុវត្តដែលអាចយកទៅប្រើប្រាស់បានជាក់ស្តែង នៅផ្ទះ ឬក្នុងសហគមន៍របស់ខ្លួន។
លោកគ្រូ ឈិត ប៊ុនលី ក៏បានបង្ហាញនូវការពេញចិត្តយ៉ាងខ្លាំងចំពោះការចូលរួមរបស់សិស្ស ដែលបានបង្ហាញនូវភាពខិតខំប្រឹងប្រែង និងការចូលរួមយ៉ាងសកម្មទាំងវេនព្រឹក និងវេនល្ងាច។ សកម្មភាពបំណិនជីវិតនេះ មិនត្រឹមតែជាការសិក្សាដោយការធ្វើនោះទេ ប៉ុន្តែជាជម្រើសដ៏ឆ្លាតវៃក្នុងការបណ្តុះកម្លាំងចិត្ត និងការយល់ដឹងអំពីជីវិតពិតក្នុងសង្គមផងដែរ៕
ទំនាក់ទំនង
(៨៥៥) ៩៣ ២១៧ ២១៧
(៨៥៥) ២៣ ២២១ ២២២
info@ais.edu.kh
.png)
