គណៈគ្រប់គ្រងសាលារៀន អន្តរទ្វីប អាមេរិកាំង សូមជម្រាបជូនដល់ប្អូនៗសិស្សានុសិស្ស និងមាតាបិតា ឬអ្នកអាណាព្យាបាលសិស្សទាំងអស់ថា សាលារៀននឹងរៀបចំពិធីប្រគល់ និងទទួល មេដាយ បណ្ណសរសើរ និងរង្វាន់លើកទឹកចិត្ត ជូនដល់សិស្សពូកែដែលទទួលបាននិទ្ទេស A ក្នុងការប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា ២០២៤–២០២៥ ចំនួនសរុប ៩៥រូប។
ពិធីនេះនឹងប្រព្រឹត្តទៅនៅថ្ងៃទី ១៨ ខែតុលា ឆ្នាំ២០២៥ ចាប់ពីម៉ោង ៩:០០ ដល់ ១១:០០ ព្រឹក នៅសាលប្រជុំ ផល គួច (ជាន់ទី៦) នៃសាខា ទួលគោក របស់សាលារៀន អន្តរទ្វីប អាមេរិកាំង (AIS) ។
ការរៀបចំពិធីនេះ មានគោលបំណងលើកទឹកចិត្ត និងសរសើរចំពោះកិច្ចខិតខំប្រឹងប្រែងរបស់សិស្សានុសិស្សដែលបានបង្ហាញសមត្ថភាពលើសគេ ក្នុងការប្រឡងសញ្ញាបត្រមធ្យមសិក្សាទុតិយភូមិ ហើយ ក៏ជាឱកាសមួយសម្រាប់សាលា និងមាតាបិតា អ្នកអាណាព្យាបាលបានចូលរួមអបអរសាទរជ័យជម្នះរបស់សិស្ស និងកូនៗផងដែរ។
សាលារៀន អន្តរទ្វីប អាមេរិកាំង សូមគោរពអញ្ជើញមាតាបិតា អ្នកអាណាព្យាបាល និងសិស្សទាំងអស់ចូលរួមអបអរសាទរជ័យជម្នះដ៏មានតម្លៃនេះជាមួយគ្នា ដើម្បីចូលរួមបង្ហាញកិត្តិយស និងជំរុញទឹកចិត្តដល់សិស្សានុសិស្សទាំងអស់ឱ្យបន្តខិតខំប្រឹងប្រែងក្នុងការសិក្សានៅជំហានបន្ទាប់ទៀត៕
