អត្ថបទព័ត៌មានស្តីពីសុខភាព
ក្រោមប្រធានបទ “ញ៉ាំទឹកក្ដៅ ផ្ដល់គុណប្រយោជន៍ដល់សុខភាព”
អត្ថបទដោយ : ហេង សុវណ្ណារិទ្ធ
#MJQE #AmericanInterconSchool
ជីវិតរស់នៅប្រចាំថ្ងៃត្រូវការថាមពល និងសុខភាពល្អ សារពាង្គកាយយើងត្រូវការទឹក។ រុក្ខជាតិ និងសត្វទាំងឡាយ ក៏ដូចជាមនុស្សលោក ត្រូវការទឹកជាចាំបាច់សម្រាប់ជីវិតរស់នៅ។ ទឹកដែលយើងបរិភោគចូលទៅមួយចំណែកធំជួយធ្វើឱ្យឈាមនៅក្នុងខ្លួនរាវល្អ ម្យ៉ាងទៀតវាជួយបញ្ជូនសារធាតុសម្រាប់ទ្រ ទ្រង់ទៅគ្រប់ផ្នែកនៃរាងកាយ ដើម្បីរក្សាឱ្យរាងកាយនេះរីកចម្រើនធំធាត់មានជីវិត។ នៅពេលដែលយើងបែកញើស ទឹកជួយរក្សាកម្តៅក្នុងរាងកាយឱ្យនៅដដែល។ ទឹកក៏មាននាទីសំខាន់ផងដែរក្នុងការជួយបញ្ជូនអុកស៊ីសែនពីសួត ទៅក្នុងរាងកាយ។ ទឹកដែលមាននៅក្នុងមាត់ ឬហៅថាទឹកមាត់ មាននាទីជួយឱ្យអណ្តាតដឹងរសអាហារ និងជួយធ្វើឱ្យអាហារម៉ត់ល្អពេលដែលយើងទំពាអាហារ។ ទឹកមួយផ្នែកជំរុញសារធាតុពុលឱ្យចេញមកក្រៅ ដែលយើងហៅថា ទឹកនោម។ ទឹកគឺជាចំណែកមួយយ៉ាងសំខាន់នៃរាងកាយមនុស្ស។ ទឹកមានសារៈសំខាន់បំផុតសម្រាប់ជីវិតរបស់មនុស្សយើងគ្រប់រូប ហើយក្នុងមួយថ្ងៃ យើងគប្បីញ៉ាំទឹកយ៉ាងហោចណាស់ឱ្យបាន៨កែវ។
ពិតណាស់ ការញ៉ាំទឹកក្ដៅឧណ្ហៗ និងទឹកក្ដៅផ្ដល់អត្ថប្រយោជន៍យ៉ាងច្រើនដល់រាងកាយលើសពីការរំពឹងទុក។ ដូច្នេះហើយ គ្នាយើងគប្បីចាប់ផ្ដើមទម្លាប់ញ៉ាំទឹកក្ដៅជំនួសឱ្យការញ៉ាំទឹកត្រជាក់ជារៀងរាល់ថ្ងៃ ទើបជាការប្រសើរ។ ខាងក្រោមនេះ គឺជាអត្ថប្រយោជន៍មួយចំនួននៃការញ៉ាំទឹកក្ដៅ៖
១. សម្រកទម្ងន់ : ទឹកក្ដៅអាចជួយទ្រទ្រង់ដល់ការធ្វើមេតាប៉ូលីស ដែលចាំបាច់សម្រាប់អ្នកដែលព្យាយាមសម្រកទម្ងន់ គួបផ្សំនឹងការធ្វើលំហាត់ប្រាណបន្ថែមទៀត។ វិធីសាស្ត្រដ៏ល្អបំផុត គឺចាប់ផ្ដើមការធ្វើមេតាប៉ូលីសនៅពេលព្រលឹម ដោយការញ៉ាំទឹកក្ដៅឧណ្ហៗជាមួយនឹងក្រូចឆ្មារ។
២. តឹងច្រមុះ និងបំពង់ក : ទឹកក្ដៅអាចជួយដោះស្រាយ ជំងឺផ្ដាសាយ ក្អក និងឈឺបំពង់កបានយ៉ាងមានប្រសិទ្ធភាពខ្ពស់។ មិនត្រឹមតែវាអាចរំលាយស្លេស្ម និងជួយកម្ចាត់ស្លេស្មចេញពីផ្លូវដង្ហើម បន្ថែមពីនេះវាក៏អាចបន្ថយអាការៈឈឺបំពង់កផងដែរ។ ម្យ៉ាងវិញទៀតការញុំទឹកក្តៅលាយជាមួយក្រូចឆ្មា អាចកាត់បន្ថយការទឹកច្រមុះ។
៣. ការចុកពោះពេលមករដូវ : ជាមួយគ្នានេះដែរ ទឹកក្ដៅអាចជួយកាត់បន្ថយអាការៈចុកពោះនៅពេលមករដូវ។ កម្ដៅនៃទឹកអាចជួយឱ្យសាច់ដុំពោះមានភាពធូរស្រាល ដែលជួយព្យាបាលបញ្ហាចុកពោះ និងការកន្ត្រាក់សាច់ដុំបានច្រើន។
៤. បន្សាបជាតិពុលក្នុងរាងកាយ : ទឹកក្ដៅក៏អាចបន្សាបជាតិពុល ចេញពីរាងកាយបានផងដែរ។ នៅពេលយើងញ៉ាំទឹកក្ដៅ សីតុណ្ហភាពនៅក្នុងរាងកាយនឹងចាប់ផ្ដើមកើនឡើង ជាហេតុបណ្ដាលឱ្យយើងបែកញើស។ កត្តានេះអាចជួយបណ្ដេញជាតិពុល និងសម្អាតរាងកាយបានយ៉ាងមានប្រសិទ្ធភាព។
៥. បង្ការការកើតមុន : ការកើតមុនកន្លែងដដែលៗ អាចបង្ហាញឱ្យយើងដឹងពីបញ្ហាសុខភាពផងដែរ បើទោះបីជាមុនគឺជាបញ្ហាសុខភាពស្បែកទូទៅក៏ដោយ។ យ៉ាងណាមិញ យើងគប្បីស្វែងយល់ពីមូលហេតុដែលបណ្ដាលឱ្យកើតមុននៅត្រង់ផ្នែកនីមួយៗនៃរាងកាយ ក៏ដូចជាស្វែងរកដំណោះស្រាយប្រកបដោយប្រសិទ្ធភាព។ ពិសេសជាងនេះទៅទៀត ការញ៉ាំទឹកក្ដៅក៏អាចជួយសម្អាតរាងកាយបានយ៉ាងជ្រៅ និងអាចកម្ចាត់ឫសគល់នៃការបង្ករោគដែលទាក់ទងនឹងការកើតមុនថែមទៀតផង៕
អត្ថបទដកស្រង់ និងកែសម្រួលចេញពី៖ https://hellokrupet.com/
ឈរជាមួយប្រជាជនកម្ពុជា — ដើម្បីអនាគតពួកយើងទាំងអស់គ្នា
ញ៉ាំទឹកក្ដៅ ផ្ដល់គុណប្រយោជន៍ដល់សុខភាព
បានផ្សាយចេញ | ១១ ឧសភា ២០២៦ 348
ឌឹ អុីរ៉ាវាឌី ដូលហ្វីន