ក្នុងគោលបំណងជួយសម្រួលដល់អ្នកអាណាព្យាបាល និងជួយអភិវឌ្ឍសមត្ថភាពសិក្សារបស់សិស្ស នៅមជ្ឈមណ្ឌលភាសា អេ អាយ អាយ និងសាលារៀនអន្តរទ្វីបអាមេរិកាំង  បានដំណើរការកម្មវិធី “ចម្លងវេនសិក្សា” សម្រាប់សិស្សសិក្សាពេញម៉ោង។

ក្នុងគោលបំណងជំរុញគុណភាពសិក្សា បណ្ណាគារ អន្តរទ្វីប បានក្លាយជាទីកន្លែងឈានមុខមួយសម្រាប់ផ្ដល់ធនធានសិក្សាដ៏មានគុណភាព និងសម្ភារចាំបាច់សម្រាប់សិស្ស អ្នកបង្រៀន និងសាធារណជន។

មជ្ឈមណ្ឌលសុខភាពសិស្ស “ម៉េងលី ជេ. គួច” (MJQ Student Health Center) ត្រូវបានបង្កើតឡើងក្នុងឆ្នាំ ២០០៥ ដោយសាលារៀន អន្តរទ្វីប អាមេរិកាំង (AIS) ក្នុងគោលបំណងផ្តល់សេវាសុខាភិបាលគុណភាពខ្ពស់ ព្រមទាំងការថែទាំ និងព្យាបាលបឋមសម្រាប់សិស្ស និងសមាជិកគ្រួសារ។

រ៉ូស្ទឺកាហ្វេ ត្រូវ​បាន​បើក​ដំណើរការ​នៅ​ខែមករា​ ឆ្នាំ២០០៥​ ដោយមាន​ទីតាំងនៅ​គ្រប់​អគារ​ នៃ​ក្រុមហ៊ុន​ ម៉េ​ងលី​ ជេ​. គួច​ អេ​ឌ្យូ​ខេ​សិន​។ បច្ចុប្បន្ន​នេះ​យើង​មាន​ហាង​ចំនួន១១កន្លែង​ ដែល​កំពុង​ដំណើរការ​ ហើយ​វា​មិន​ត្រឹម​ជា​កន្លែង​សម្រាប់​ញ៉ាំ​កាហ្វេ​ប៉ុណ្ណោះទេ​ ប៉ុន្តែ​វា​ក៏​ជា​កន្លែង​សម្រាប់​សម្រាក​ផង​ដែរ​។ រ៉ូស្ទឺកាហ្វេ មាន​បរិយាកាស​ល្អ​ ផាសុកភាព​ សុខ​សុវត្ថិភាព​ និង​ជា​កន្លែង​ដែល​សិស្សានុសិស្ស​អាច​បំពេញ​កិច្ចការ​របស់​ខ្លួន​បាន​ប្រសើរ​។

នៅអាហារដ្ឋាន អាឡិច យើងជឿជាក់ថារបបអាហារមានតុល្យភាព គឺជាគន្លឹះនៃទម្លាប់ក្នុងការញ៉ាំដែលនាំមកនូវសុខភាពល្អ ព្រោះវាផ្តល់ឱ្យកុមារនូវសារធាតុចិញ្ចឹមដែលពួកគេត្រូវការដើម្បីលូតលាស់។ អាហារដ្ឋាន អាឡិច ដែលជាផ្នែកមួយនៃសេវាកម្មម្ហូបអាហារ និងភេសជ្ជៈរបស់យើងត្រូវបានបង្កើតឡើងនៅចុងខែមករា ឆ្នាំ២០០៥។ អាហារ និងភេសជ្ជៈដែលផ្តល់នៅអាហារដ្ឋាន អាឡិច មានអត្ថប្រយោជន៍លើការអភិវឌ្ឍទម្លាប់នៃការញ៉ាំរយៈពេលវែងរបស់សិស្ស ចំណង់ចំណូលចិត្ត និងអាកប្បកិរិយាចំពោះអាហារ។ អាហារដ្ឋានសាលារបស់យើងដើរតួយ៉ាងសំខាន់ក្នុងការលើកកម្ពស់អាហារដែលមានគុណភាព និងបង្កើតវប្បធម៌នៃការបរិភោគអាហារដែលមានសុខភាពល្អ។ ចំណង់ចំណូលចិត្តផ្នែកម្ហូបអាហារនិងភេសជ្ជៈកើតមាននៅក្នុងវ័យកុមារភាព ហើយយើងជឿជាក់យ៉ាងមុតមាំថាការញ៉ាំអាហារដែលមានសុខភាពល្អ គឺជាផ្នែកសំខាន់មួយនៃការធ្វើឱ្យមានតុល្យភាព។ គោលបំណងរបស់យើង គឺផ្តល់ជូនសហគមន៍របស់យើងនូវជម្រើសសម្រាប់អាហារ និងភេសជ្ជៈដែលមានជីវជាតិ និងឆ្ងាញ់ ហើយមានកាកសំណល់ និងផលប៉ះពាល់តិចតួចបំផុត។ អាហារ និងភេសជ្ជៈដែលមានជាតិស្ករ ជាត់ប្រៃ និងខ្លាញ់ គឺត្រូវបានកម្រិតនៅឯអាហារដ្ឋាន អាឡិច របស់យើង។ ភេសជ្ជៈប៉ូវកម្លាំងគ្រប់ប្រភេទមិនត្រូវបានអនុញ្ញាតឱ្យលក់ឡើយ។ ប្រូតេអ៊ីនជាច្រើនមុខ ដូចជាសាច់ ត្រី ស៊ុត ឬសណ្តែក គឺមាននៅអាហារដ្ឋានរបស់យើងរាល់ថ្ងៃ។

ស្មា​តម៉ាត​គឺជា​ហាង​ដែល​មាន​លក់​សម្ភារ​ជាច្រើន​ប្រភេទ​ដែល​ផ្តល់​ងាយស្រួល​ដល់​លោកអ្នក​។ ស្មា​តម៉ាត​ជាផ្នែក​មួយ​នៃ​សេវាកម្ម​របស់​ ម៉េ​ងលី​ ជេ.គួច​ អេ​ឌ្យូ​ខេ​សិន​ ដែល​បម្រើ​សេចក្តី​ត្រូវការ​របស់​សិស្សរបស់​យើង​។ បច្ចុប្បន្ន​ យើង​មាន១១កន្លែង​ ក្នុងចំណោម​អគារសិក្សា១៥​ របស់​យើង​។ វា​ជា​កន្លែង​ដែល​សិស្ស​អាច​ទិញ​នូវ​សម្ភារ​សិក្សា​សម្រាប់​ការសិក្សា​របស់​ពួកគេ​ក្នុង​តម្លៃ​សមរម្យ​។ស្មា​តម៉ាត​មាន​លក់​របស់របរ​មួយចំនួន​ដូចជា​សម្ភារ​ការិយាល័យ​ ប្រដាប់​ប្រដា​ក្មេង​លេង​ អាហារសម្រន់​ ភេសជ្ជៈ​ និង​ផលិតផល​នំ​ដូចជា​ ខុ​កឃី​ និង​នំ​ស្រួយ​។ ល។ ស្មា​តម៉ាត​របស់​យើង​ក៏​មាន​លក់​របស់​រប​រប្លែ​កៗ​ថ្មី​ៗប្រកបដោយ​ភាព​រីករាយ​ និង​ទាន់សម័យ​ដែល​ត្រូវ​បាន​ជ្រើសរើស​ដោយ​គណៈកម្មាធិការ​សាលា​របស់​យើង​។

បណ្ណាគារ អន្តរទ្វីប បានបើកដំណើរការនិង ចាប់ផ្តើមបម្រើសេវាកម្ម ក្រុមហ៊ុន ម៉េងលី ជេ. គួច អេឌ្យូខេសិន នៅឆ្នាំ២០០៥ ។ បណ្ណាគារ អន្តរទ្វីប ត្រូវបានបង្កើតឡើងដើម្បីផ្គត់ផ្គង់សម្ភារសិក្សាដែលមានសារៈប្រយោជន៍ជាច្រើនសម្រាប់សិស្សានុសិស្សដើម្បីឱ្យពួកគេមានភាពងាយស្រួលក្នុងការទទួលបានធនធានសិក្សាផ្សេងៗជាច្រើនដែលចាំបាច់សម្រាប់ការសិក្សារបស់ពួកគេ។ ទាំងនោះមាន ជាសៀវភៅសិក្សា ថ្នាក់ភាសាខែ្មរ ថ្នាក់ភាសាចិន ថៃ និង ថ្នាក់ភាសាអង់គ្លេស ទស្សនាវដ្តី សម្លៀកបំពាក់មជ្ឈមណ្ឌលភាសាអេ អាយ អាយនិង ឯកសណ្ឋានសិស្សសាលារៀន អន្តរទ្វីប អាមេរិកាំង សម្លៀកបំពាក់ទទួលវិញ្ញាបនប័ត្រ សម្ភារៈសិក្សា សម្ភារៈការិយាល័យ ដបដាក់ទឹកនិង សម្ភារៈជាច្រើនទៀត។ ជាមួយនឹងបុគ្គលិកដែលទទួលបានការបណ្តុះបណ្តាលប្រកបដោយវិជ្ជាជីវៈនិងមានលក្ខណៈសម្បត្តិគ្រប់គ្រាន់ បណ្ណាគារ អន្តរទ្វីប ត្រូវបានគេស្គាល់ថាជាកន្លែងដែលសិស្ស លោកគ្រូអ្នកគ្រូនិង អាណាព្យាបាល អាចស្វែងរកនូវសម្ភារៈសិក្សា របស់ពួកគេដោយងាយស្រួល។

សេវាកម្ម​ដឹកជញ្ជូន​ អន្តរទ្វីប​ (Intercon​ Transportation​ Services​) បង្កើត​ឡើង​ស្រប​ពេល​​បង្កើត​សាលារៀន​ អន្តរទ្វីប​ អាមេរិកាំង​ ពោល​គឺ​បង្កើត​ឡើង​តាំងពី​ដើមឆ្នាំ២០០៥​ មក​ម្ល៉េះ​។ ផ្នែក​សេវា​ កម្ម​ដឹកជញ្ជូន​អន្តរទ្វីប​ បង្កើត​ដំបូង​មាន​រថយន្ត​ចំនួន៣គ្រឿង​ប៉ុណ្ណោះ​។ ក្នុង​ចន្លោះ​ឆ្នាំ២០០៥​-២០០៧​ ចំពោះ​សិស្ស​នៅ​តំបន់​ជិ​តៗ​ ដែល​ចុះឈ្មោះ​រៀន​ចាប់ពី​ ២នាក់​ឡើង​ទៅ​ គឺ​ទទួល​បាន​សេវា​ដឹកជញ្ជូន​ពី​ សាលា​ដោយ​ឥត​បង់ថ្លៃ​ (Free​)។ លុះដល់​ឆ្នាំ២០០៨​ កំណើន​សិស្ស​ដែល​ទទួល​សេវា​ដឹកជញ្ជូន​របស់​ សាលា​មាន​ចំនួន​កើនឡើង​ច្រើន​ រហូតដល់​កើន​រថយន្ត​ដឹកជញ្ជូន​ដល់ទៅ​ ៣០គ្រឿង​បន្ថែម​ទៀត​។

មណ្ឌលសុខភាពសិស្ស ម៉េងលី ជេ. គួច បង្កើតឡើងក្នុងឆ្នាំ 2005 ក្នុងគោលបំណងផ្តល់នូវសេវាថែទាំសុខភាពដែលប្រកបដោយគុណភាព ប្រសិទ្ធភាពខ្ពស់ ភាពងាយស្រួល តម្លៃសមរម្យនៅក្នុងជីវភាពរស់នៅប្រចាំថ្ងៃ ដែលធ្វើឱ្យលោកអ្នកទទួលបាននូវការថែរក្សាសុខភាពប្រកបដោយសុខុមាលភាព ភាពកក់ក្តៅ និងមានទំនុកចិត្តពេលបុត្រាបុត្រីលោកអ្នកកំពុងសិក្សាលោកអ្នក អាចជឿទុកចិត្តលើការថែទាំសុខភាពបឋមសម្រាប់អ្នក និងគ្រួសាររបស់អ្នកជាមួយក្រុមវេជ្ជបណ្ឌិត និងក្រុមវេជ្ជសាស្ត្រទាំងអស់ដែលមានសមត្ថភាព និងបទពិសោធន៍ច្រើនឆ្នាំក្នុងការថែទាំសុខភាពនៅក្នុងមណ្ឌលសុខភាពរបស់យើងខ្ញុំ។