អស់រយៈពេលពីរទសវត្សរ៍កន្លងមកនេះ  មជ្ឈមណ្ឌលភាសាបរទេស អេ អាយ អាយ (Aii Language Center)បានបន្តស្ថិតនៅលំដាប់ឈានមុខមួយ ក្នុងការផ្តល់ការអប់រំភាសាដែលមានគុណភាព និងស្តង់ដាអន្តរជាតិ ទៅកាន់សិស្សជនជាតិខ្មែរ និងសិស្សអន្តរជាតិជាច្រើន។

លោក សយ វឌ្ឍនា អ្នករៀបចំផែនការជាន់ខ្ពស់ បានឱ្យដឹងថា ​ មជ្ឈមណ្ឌលភាសា​ ​អេ​ ​អាយ​ ​អាយ​ គឺជា​សាលា​ភាសា​ដ៏ធំមួយ​នៅ​ក្នុង​ប្រទេស​កម្ពុជា ដែលបាន​ផ្តល់​ជូននូវ​គុណភាព​អប់រំ ផ្នែកភាសា​រួមបញ្ចូល​គ្នា​រវាង​ស្តង់ដា​ជាតិ​ ​និងអន្តរជាតិ​ ​ដោយ​ផ្អែក​លើ​កម្មវិធី​សិក្សា​នៅសតវត្សរ៍ទី២១។​ មជ្ឈមណ្ឌល Aii  ផ្តល់​នូវ​កម្មវិធី​ភាសាអង់គ្លេស​ និងភាសាចិន​យ៉ាង​ទូលំទូលាយ​ដើម្បី​បំពេញ​តម្រូវការ​ខុសៗគ្នា​របស់សិស្ស​គ្រប់វ័យ​ ​និងគ្រប់​កម្រិត​ចាប់ពី​ថ្នាក់​មត្តេយ្យ​ដល់ថ្នាក់​មនុស្ស​ពេញវ័យ​ និងចាប់ពី​ថ្នាក់​កម្រិត​ដំបូង​រហូត​ដល់​ទៅ​ថា្នក់​ត្រៀម​ប្រឡង​ថលហ្វល​ ​(TOEFL)។ លោក សយ វឌ្ឍនា បន្តថា សម្រាប់ផ្នែកភាសាអង់គ្លេស យើងមាន កម្មវិធីសិក្សា  Pre-Kid កុមារអាយុចាប់ពី២ ទៅ៥ឆ្នាំ កម្មវិធី-Kid កុមារអាយុចាប់ពី៦ទៅ១២ឆ្នាំ កម្មវិធីភាសាអង់គ្លេសទូទៅ កុមារអាយុ១២ឆ្នាំឡើងទៅ កម្មវិធីសិក្សាកម្រិតឌីប្លូម សិស្សអាយុ​ ១៧​ ឆ្នាំ ផ្នែកភាសាអង់គ្លេសសម្រាប់ពាណិជ្ជកម្ម និងកម្មវិធីសិក្សាភាសាចិន ផ្តល់ជូននូវវគ្គសិក្សាភាសាចិន (Mandarin Chinese) ចាប់ពីថ្នាក់ដំបូង រហូតដល់ថ្នាក់កម្រិតខ្ពស់។

លោក សយ វឌ្ឍនា បានបញ្ជាក់បន្ថែមថា «គ្រូបង្រៀន​ជាជនជាតិ​ដើម​របស់យើង​មកពី​បណ្តា​ប្រទេស​ផ្សេងៗ​គ្នា​ដូចជា​អង់គ្លេស​ ​កាណាដា​ អាមេរិក​ ​និងអូស្ត្រាលី»។​ ​ម្យ៉ាងវិញទៀត​ យើងមាន​គ្រូមួយ​ចំនួន​ដែល​និយាយ​ភាសា​អង់គ្លេស​ជា​ភាសា​ទី២​ ​ដែលពួកគាត់​មក​ពី​ប្រទេស​ហ្វីលីពីន​ ​នីហ្សេរីយ៉ា​ ​និងឥណ្ឌាផងដែរ។​ ​លើសពីនេះ​ យើងក៏​មាន​គ្រូ​ជនជាតិ​ខ្មែរ ​ដែល​មាន​ចំណេះដឹង​ភាសា​អង់គ្លេស​ជ្រៅជ្រះ  ​លោកគ្រូ ​អ្នកគ្រូ ​ដែល​ប្រកប​ដោយ​សមត្ថភាព​ខ្ពស់​ ​និងមាន​បទពិសោធ​ក្នុងការ​បង្រៀន​ជាច្រើនឆ្នាំ​ ទាំងនេះ​ដែលជា​ឆ្អឹង​ខ្នង​ និងបេះដូង​នៃ​សាលា​របស់យើង។​

សូមជម្រាបជូនថា ថ្នាក់រៀន​ ​និងបរិវេណ​សាលា​ត្រូវបាន​រចនា​ឡើង​ប្រកប​ដោយ​ផាសុកភាព​ និងសុវត្ថិភាព​សម្រាប់​សិស្សនុសិស្ស​គ្រប់ៗ​រូប។​ ​ក្នុងគោលបំណងផ្តល់​នូវ​បរិយាកាស​រីករាយ​ និងបើកចំហរ​ជាមួយនឹង​ទីកន្លែង​ធំទូលាយ​ដែលអាច​ឱ្យ​សិស្សសិក្សា​រៀនសូត្រ និងផ្លាស់ប្តូរ​យោបល់​តាម​វិធី​ជាច្រើន។​ ​មិនតែប៉ុណ្ណោះ ថ្នាក់រៀន នៃមជ្ឈមណ្ឌលភាសា អេ អាយ អាយ ​មាន​ពន្លឺ​គ្រប់គ្រាន់​ ​បំពាក់ដោយ​គ្រឿង​សង្ហារឹម​ និងបរិកា្ខរ​ស្តង់ដា​ទំនើប ​ហើយត្រូវបាន​សម្អាត និងថែរក្សា​យ៉ាងល្អ​ត្រឹមត្រូវ។​

Aii Language Center ផ្តល់ជូននូវកម្មវិធីបណ្ដុះបណ្ដាលភាសាអង់គ្លេស និងភាសាចិន និងវគ្គត្រៀម TOEFL ដើម្បីបំពេញតម្រូវការផ្សេងៗរបស់អ្នកសិក្សាគ្រប់វ័យ។

សម្រាប់ការចុះឈ្មោះចូលរៀនវគ្គសិក្សាថ្មីនាពេលនេះ មជ្ឈមណ្ឌលភាសា អេ អាយ អាយ(Aii)មានផ្តល់ជូនអាហារូករណ៍ដល់សិស្សរហូតដល់៤០ភាគរយ៕

ព័ត៌មានលំអិតសូមចូលទៅកាន់៖

https://www.aii.edu.kh/

https://www.facebook.com/aii.mjqeducation/photos/