ភ្នំពេញ៖  មូលនិធិ ម៉េងលី ជេ. គួច ដោយមានកិច្ចសហការជាមួយមជ្ឈមណ្ឌល ជាតិផ្តល់ឈាម មជ្ឈមណ្ឌលភាសា អេ អាយ អាយ និង សាលារៀន អន្តរទ្វីប អាមេរិកាំង សាខាច្បារអំពៅ គ្រោងនឹងរៀបចំយុទ្ធនាការធនាគារឈាម ម៉េងលី ជេ. គួច លើកទី១៦ ក្រោមប្រធានបទ «បរិច្ចាគឈាម ក៏ជាការបរិច្ចាគទានដ៏ថ្លៃថ្លា» ដោយមានការនិមន្ដ ចូលរួមជាអធិបតីដ៏ឧត្តុង្គឧត្តមពីសម្ដេចព្រះឧត្តមវង្សា បណ្ឌិត គូ សុភាព ថ្ងៃទី២១ ខែមីនា ឆ្នាំ២០២៦ ចាប់ពីម៉ោង ៨:០០ នាទីព្រឹក ដល់ម៉ោង ១២:០០ នាទីថ្ងៃត្រង់ ក្នុងបរិវេណ មជ្ឈមណ្ឌលភាសា អេ អាយ អាយ និង សាលារៀន អន្តរទ្វីប អាមេរិកាំង សាខាច្បារអំពៅ។ 

យុទ្ធនាការនេះ រៀបចំឡើងក្នុងគោលបំណងចូលរួមលើកកម្ពស់នូវសុខមាលភាពសហគមន៍ បង្កើនស្មារតីមនុស្សធម៌ និងការចែករំលែកទឹកចិត្តសប្បុរសធម៌ តាមរយៈការបរិច្ចាគឈាម ដោយស្ម័គ្រចិត្ត ដើម្បីចូលរួមគាំទ្រដល់ការផ្គត់ផ្គង់ឈាមសម្រាប់ជួយសង្គ្រោះជីវិតអ្នកជំងឺ ជាពិសេសស្ត្រី កុមារ ចាស់ជរា ដែលកំពុងសម្រាកព្យាបាល ឬសង្គ្រោះបន្ទាន់នៅតាម មន្ទីរពេទ្យនានា។

មូលនិធិ ម៉េងលី ជេ. គួច សូមអញ្ជើញគណៈគ្រប់គ្រង លោកគ្រូ អ្នកគ្រូ បុគ្គលិក អ្នកអាណាព្យាបាល សិស្សានុសិស្ស និងសាធារណជនទាំងអស់ ដែលមាន បំណងចូលរួមយុទ្ធនាការខាងលើ សូមអញ្ជើញចុះឈ្មោះ និងចូលរួមតាមរយៈ លីងខាងក្រោម៖

លីងចុះឈ្មោះ៖https://forms.gle/wJ227r4HiPRpnW1TA 
លីងទីតាំង៖ https://maps.app.goo.gl/QeVtDx3r7dBpciK59

មូលនិធិ ម៉េងលី ជេ. គួច សង្ឃឹមយ៉ាងមុតមាំថា យុទ្ធនាការនេះនឹងទទួលបានការគាំទ្រ និងការចូលរួមយ៉ាងទូលំទូលាយពីសាធារណជន ដែលជាផ្នែកមួយនៃសកម្មភាព មនុស្សធម៌ និងដើម្បីបង្កើតនូវសង្គមដែលពោរពេញដោយការចែករំលែក និងក្តីស្រឡាញ់៕