ឈរជាមួយប្រជាជនកម្ពុជា — ដើម្បីអនាគតពួកយើងទាំងអស់គ្នា

អត្ថប្រយោជន៍ទាំង៦ នៃទឹករមៀតសម្រាប់សុខភាព

បានផ្សាយចេញ | ១៦ កុម្ភៈ ២០២៦ 934

អត្ថប្រយោជន៍ទាំង៦ នៃទឹករមៀតសម្រាប់សុខភាព

អត្ថបទព័ត៌មានស្តីពីសុខភាព

ក្រោមប្រធានបទ : “អត្ថប្រយោជន៍ទាំង៦ នៃទឹករមៀតសម្រាប់សុខភាព”

អត្ថបទដកស្រង់ដោយ : ជា ចាន់ស្រីរ័ត្ន

#MJQE #AmericanInterconSchool

រមៀតមានប្រយោជន៍ច្រើនយ៉ាង មិនត្រឹមតែប្រើជាគ្រឿងទេសបង់ក្នុងសម្លបង្កើនរសជាតិឆ្ងាញ់ ក្លិនឈ្ងុយនោះទេ វាថែមទាំងមានប្រយោជន៍សម្រាប់សុខភាពទៀតផង។ ទឹករមៀតមិនត្រឹមតែជួយដល់ស្បែក តែនៅមានគុណប្រយោជន៍ច្រើនទៀត។ រមៀតសម្បូរទៅដោយសារធាតុប្រឆាំងអុកស៊ីតកម្ម និងការរលាក ព្រមទាំងវីតាមីន C ដែលផ្ដល់គុណប្រយោជន៍ដ៏អស្ចារ្យដល់ស្បែករបស់យើង។ លើសពីនេះ គ្រឿងទេសមួយមុខនេះ ក៏ជួយពង្រឹងសុខភាព និងបង្ការជំងឺមួយចំនួនផងដែរ។ ខាងក្រោមនេះ គឺជាអត្ថប្រយោជន៍ទាំង៦ នៃទឹករមៀតចំពោះសុខភាព៖

១. ជួយខួរក្បាល :

ការញ៉ាំទឹកក្ដៅឧណ្ហៗ លាយជាមួយម្សៅរមៀតជាប្រចាំនៅពេលព្រឹក អាចជួយឱ្យខួរក្បាលយើងមានភាពរវៀសរវៃ និងបង្កើនភាពស្វាហាប់។

២. ជួយសុខភាពបេះដូង និងជួយឱ្យឈាមរាវ :

អ្នកដែលមានបញ្ហាបេះដូង គួរញ៉ាំទឹករមៀតឱ្យបានទៀងទាត់ ពីព្រោះភេសជ្ជៈមួយនេះ អាចជួយធ្វើឱ្យកម្ចាត់ជាតិពុលពីឈាម ជួយឱ្យឈាមរាវ និងបង្ការកំណកឈាម ដែលទាំងនេះអាចជួយបញ្ចៀសការគាំងបេះដូងបាន។

៣. ជួយថ្លើម :

ទន្ទឹមនឹងនេះដែរ ទឹករមៀតក៏អាចកម្ចាត់ជាតិពុលពីថ្លើម និងជួយឱ្យកោសិកាបំពេញមុខងារប្រកបដោយប្រសិទ្ធភាព។

 ៤. សុខភាពស្បែក :

ទឹករមៀត លាយជាមួយនឹងទឹកឃ្មុំ និងទឹកក្រូចឆ្មារ អាចជួយប្រឆាំងនឹងភាពចាស់ បណ្តេញជាតិពុលពីរាងកាយ និងជួយធ្វើឱ្យស្បែកភ្លឺថ្លា និងភ្លឺម៉ត់រលោង។

៥. ប្រឆាំងជំងឺមហារីក :

ការញ៉ាំទឹករមៀតចំនួន០៣ដង ក្នុងមួយសប្តាហ៍ អាចរួមចំណែកជួយការពាររាងកាយពីហានិភ័យកើតជំងឺមហារីក។

៦. ជំនួយកម្លាំង និងការគេង :

បន្ទាប់ពីសម្រាលកូនហើយ អ្នកម្តាយគ្រប់រូបច្បាស់ជាមានការឈឺចាប់លើរាងកាយ មានអារម្មណ៍អស់កម្លាំង ល្ហិតល្ហៃ ត្រូវការប៉ូវសុខភាពឱ្យឆាប់មានកម្លាំងវិញ។ ភេសជ្ជៈធម្មជាតិដូចម្សៅរមៀតទឹកដោះគោ ផ្ដល់ប្រយោជន៍ច្រើនដល់សុខភាព និងសម្រស់ ក៏ដូចជាការគេងផងដែរ គឺជួយឱ្យគេងលក់ស្កប់ស្កល់ និងមានអារម្មណ៍ស្រស់ស្រាយដោយសារវាសម្បូរសារធាតុប្រឆាំងអុកស៊ីដកម្ម សារធាតុប្រឆាំងរលាក និងជួយឆ្អឹងយើងរឹងមាំផងដែរ។

ទោះបីជាទឹករមៀតមានអត្ថប្រយោជន៍ច្រើនដល់សុខភាព និងសម្រស់ក៏ពិតមែន ប៉ុន្តែយើងមិនត្រូវប្រើប្រាស់ច្រើនលើសបរិមាណតម្រូវការនោះទេ ព្រោះសុខភាព និងការទទួលយករបស់រាងកាយនៃមនុស្សម្នាក់ៗមិនដូចគ្នាទេ។ យើងត្រូវចេះតាមដាន សង្កេត និងថ្លឹងថ្លែងពីអត្ថប្រយោជន៍ និងផលវិបាកដែលយើងទទួលបាន ហើយបើមានបញ្ហាណាមួយមិនប្រក្រតីសម្រាប់សុខភាពយើង ត្រូវពិភាក្សាជាមួយវេជ្ជបណ្ឌិតជំនាញភ្លាមៗតាមដែលអាចធ្វើបាន៕

អត្ថបទដកស្រង់ និងកែសម្រួលចេញពី៖ https://hellokrupet.com

អត្ថបទពាក់ព័ន្ធ

https://theirrawaddydolphin.com/storage/photos/news/article/2025/January 2026/Sophya.jpg

ហេតុអ្វីបានជាកម្មវិធីទស្សនកិច្ចសិក្សាមានសារៈសំខាន់សម្រា...

https://theirrawaddydolphin.com/storage/photos/news/article/2025/December/Sry Touch1.jpg

វិធីសាស្រ្ត ៤ប្រភេទជួយគាំទ្រកូនស្រីឱ្យទទួលបានជោគជ័យ

https://theirrawaddydolphin.com/storage/photos/news/article/2025/November/Vanny Nimol.jpg

អបអរសាទរខួប២ទសវត្សរ៍ នៃការចុះបញ្ជីល្ខោនស្រមោលស្បែកធំ រប...

https://theirrawaddydolphin.com/storage/photos/news/article/2026/February/Danet.jpg

គន្លឹះសំខាន់ៗក្នុងការបំពេញការងារឱ្យមានប្រសិទ្ធភាព