ឈរជាមួយប្រជាជនកម្ពុជា — ដើម្បីអនាគតពួកយើងទាំងអស់គ្នា

ព្រឹត្តិការណ៍ World Cup 2026 ប្រទេសម្ចាស់ផ្ទះទាំងបីអាចទទួលបានចំណូលប៉ុន្មាន?

បានផ្សាយចេញ | ១១ សីហា ២០២៦ 282

ព្រឹត្តិការណ៍ World Cup 2026 ប្រទេសម្ចាស់ផ្ទះទាំងបីអាចទទួលបានចំណូលប៉ុន្មាន?


អត្ថបទព័ត៌មានស្តីពីព្រឹត្តិការណ៍ និងការកម្សាន្ត
ក្រោមប្រធានបទ “ព្រឹត្តិការណ៍ World Cup 2026 ប្រទេសម្ចាស់ផ្ទះទាំងបីអាចទទួលបានចំណូលប៉ុន្មាន?”
អត្ថបទដកស្រង់ដោយ : ពៅ វិច្ឆ័យ
#MJQE #AmericanInterconSchool
 
ការប្រកួតបាល់ទាត់ពិភពលោក FIFA World Cup 2026 ដែលសហការរៀបចំដោយសហរដ្ឋអាមេរិក កាណាដា និងម៉ិកស៊ិក មិនត្រឹមតែជាព្រឹត្តិការណ៍កីឡាដ៏ធំបំផុតមួយរបស់ពិភពលោកទេ ប៉ុន្តែក៏ជាឱកាសសេដ្ឋកិច្ចដ៏ធំសម្រាប់ប្រទេសម្ចាស់ផ្ទះផងដែរ។ តាមការសិក្សា និងការប៉ាន់ស្មានសេដ្ឋកិច្ច ប្រទេសទាំងបីអាចទទួលបានផលប្រយោជន៍រាប់ពាន់លានដុល្លារ ពីទេសចរណ៍ ការចំណាយរបស់អ្នកគាំទ្រ អាជីវកម្ម សណ្ឋាគារ ភោជនីយដ្ឋាន និងពន្ធ។
 
សហរដ្ឋអាមេរិក ត្រូវបានគេរំពឹងថានឹងទទួលផលប្រយោជន៍សេដ្ឋកិច្ចធំបំផុត ដោយធ្វើជាម្ចាស់ផ្ទះការប្រកួតចំនួន78ប្រកួត នៅ11ទីក្រុង។ ការសិក្សារបស់ Oxford Economics ដែលត្រូវបាន FIFA ផ្សព្វផ្សាយប៉ាន់ស្មានថា World Cup អាចបង្កើតសកម្មភាពសេដ្ឋកិច្ចប្រមាណ 30.5ពាន់លានដុល្លារ និងបន្ថែមប្រមាណ 17.2ពាន់លានដុល្លារ ទៅក្នុង GDP អាមេរិក។ ការសិក្សាមួយក៏ប៉ាន់ស្មានថា ចំណូលរដ្ឋអាចមានប្រមាណ 3.4ពាន់លានដុល្លារ។
 
កាណាដា មានការប្រកួតចំនួន13ប្រកួត នៅទីក្រុង Toronto និង Vancouver។ ការវាយតម្លៃរបស់ Deloitte Canada បង្ហាញថា World Cup អាចបង្កើត Economic output ប្រមាណ 3.8ពាន់លានដុល្លារកាណាដា។ ក្នុងនោះ GDP កើនប្រមាណ 2ពាន់លានដុល្លារកាណាដា ខណៈ ចំណូលរដ្ឋត្រូវបានប៉ាន់ស្មានប្រមាណ 700លានដុល្លារកាណាដា និងបង្កើត ឬគាំទ្រការងារប្រមាណ 24,100ការងារ។
 
ចំណែក ម៉ិកស៊ិក ដែលធ្វើជាម្ចាស់ផ្ទះនៅទីក្រុង Mexico City, Guadalajara និង Monterrey ត្រូវបាន Deloitte ប៉ាន់ស្មានថា World Cup នឹងបង្កើតផលប៉ះពាល់សេដ្ឋកិច្ចប្រមាណ 2.543ពាន់លានដុល្លារអាមេរិក ឬប្រហែល 0.12% នៃ GDP ប្រទេស។ ព្រឹត្តិការណ៍នេះក៏ត្រូវបានប៉ាន់ស្មានថាអាចបង្កើតការងារបណ្តោះអាសន្នជាង 101,000ការងារ និងទាក់ទាញអ្នកទេសចរប្រមាណ 494,000នាក់។
យ៉ាងណាក៏ដោយ តួលេខទាំងនេះគួរត្រូវបានបែងចែកឱ្យច្បាស់រវាង “ផលប៉ះពាល់សេដ្ឋកិច្ច” និង “ចំណូលរដ្ឋ”។ Economic impact គឺសំដៅលើទំហំសកម្មភាពសេដ្ឋកិច្ចដែលកើតឡើងពី World Cup ខណៈចំណូលរដ្ឋគឺពន្ធ និងចំណូលផ្សេងៗដែលរដ្ឋប្រមូលបាន។ ដូច្នេះ ការនិយាយថា ប្រទេសម្ចាស់ផ្ទះ “រកបាន” រាប់ពាន់លានដុល្លារ មិនមានន័យថាចំនួនទឹកប្រាក់ទាំងនោះចូលក្នុងថវិការដ្ឋទាំងអស់នោះទេ។
 
គួររម្លឹកថា បន្ទាប់ពីការប្រកួតដ៏ស្វិតស្វាញជាច្រើនសប្ដាហ៍ ព្រឹត្តិការណ៍ World Cup 2026 បានបញ្ចប់នៅថ្ងៃទី20 ខែកក្កដា ឆ្នាំ2026 ដោយក្រុមជម្រើសជាតិអេស្ប៉ាញ បានគ្រងជើងឯកបាល់ទាត់ឯកពិភពលោក បន្ទាប់ពីយកឈ្នះក្រុមជម្រើសជាតិអាហ្សង់ទីន ក្នុងលទ្ធផល 1–0 នៅវគ្គផ្តាច់ព្រ័ត្រ ដែលធ្វើឡើងនៅ New York/New Jersey Stadium សហរដ្ឋអាមេរិក។ ជ័យជម្នះនេះបានធ្វើឱ្យអេស្ប៉ាញក្លាយជាជើងឯក World Cup ជាលើកទី2 ក្នុងប្រវត្តិសាស្ត្ររបស់ខ្លួន៕

 

អត្ថបទពាក់ព័ន្ធ

https://theirrawaddydolphin.com/storage/photos/news/article/2026/April/Mr Sarom.jpg

អត្ថប្រយោជន៍នៃការងារស្ម័គ្រចិត្តនៅក្នុងសហគមន៍

https://theirrawaddydolphin.com/storage/photos/news/article/2026/November/Mr Taing 1.jpg

ស្វែងយល់ពីជំងឺកាចសាហាវទាំង៥ ក្នុងលោក

https://theirrawaddydolphin.com/storage/photos/news/article/2025/November/Srey Mony.jpg

សារៈសំខាន់នៃក្រមសីលធម៌ក្នុងការអប់រំ

https://theirrawaddydolphin.com/storage/photos/news/article/2026/April/Pov.jpg

សារៈសំខាននៃសុខភាពផ្លូវចិត្ត និងវិធីថែរក្សាសុខភាពផ្លូវចិ...